FC Bayern និង Viessmann ពង្រីកភាពជាដៃគូក្នុងតំបន់នៅអាស៊ីអាគ្នេយ៍
FC Bayern Munich និងអាជីវកម្មសកលដែលគ្រប់គ្រងដោយគ្រួសារ Viessmann កំពុងពង្រីកភាពជាដៃគូក្នុងតំបន់របស់ពួកគេ។ បន្ទាប់ពីការបើកដំណើរការនៅឆ្នាំ 2018 នៃកិច្ចសហប្រតិបត្តិការដ៏ជោគជ័យសម្រាប់ទីផ្សារប្រទេសចិន នាពេលអនាគត Viessmann ក៏នឹងក្លាយជាដៃគូផ្នែកអាកាសធាតុផ្លូវការរបស់ FC Bayern Munich នៅអាស៊ីអាគ្នេយ៍ផងដែរ។
លោក Jörg Wacker សមាជិកក្រុមប្រឹក្សាភិបាល FC Bayern München AG សម្រាប់ការធ្វើអន្តរភាវូបនីយកម្មនិងយុទ្ធសាស្ត្រ៖ "ភាពជាដៃគូរបស់យើងជាមួយ Viessmann គឺជារឿងនិទាននៃភាពជោគជ័យមួយ ហើយឥឡូវនេះយើងកំពុងបន្ថែមជំពូកបន្ថែមទៀតទៅក្នុងរឿងនិទាននេះ។ យើងមានសេចក្តីសោមនស្សរីករាយក្នុងការបន្តកិច្ចសហប្រតិបត្តិការវិសាមញ្ញនេះ ដែលផ្តោតលើគំនិតរួមរបស់យើងអំពីនិរន្តរភាព។ ម៉ាកយីហោទាំងពីរនេះគឺស័ក្តិសមគ្នាបំផុត ដោយសារយើងឈរលើគុណតម្លៃដូចគ្នា ដូចជា ជោគជ័យ ភាពជឿជាក់ និងនិរន្តរភាព។"
ក្នុងនាមជាអាជីវកម្មលក្ខណៈគ្រួសារ ដែលមានប្រវត្តិជាង 100 ឆ្នាំ Viessmann យល់ពីទំនួលខុសត្រូវរបស់ខ្លួន ក្នុងការបង្កើតនិងបង្កើនសុខុមាលភាពរបស់មនុស្សនៅក្នុងលំហរស់នៅរបស់ពួកគេ។
Thomas Heim ប្រធានផ្នែកលក់និងទីផ្សារ (CSO) របស់ Viessmann បានពន្យល់ថា៖ ការសហការរបស់យើងជាមួយ FC Bayern München នៅក្នុងប្រទេសចិន ត្រូវបានបញ្ជាក់ថាជាយានជំនិះដ៏ល្អឥតខ្ចោះសម្រាប់សារនេះ។ ជាមួយនឹងការនាំយកម៉ាកយីហោ Viessmann ទៅកាន់អាស៊ីអាគ្នេយ៍ឥឡូវនេះ យើងកំពុងកសាងបន្ថែមពីលើរឿងនិទាននៃភាពជោគជ័យនេះ ហើយយើងពិតជារំភើបក្នុងការអភិវឌ្ឍសកម្មភាពរួមគ្នាជាមួយ FC Bayern München ដើម្បីបង្ហាញពីគោលបំណងរបស់ក្រុមហ៊ុនយើងក្នុងការបង្កើតលំហរស់នៅសម្រាប់មនុស្សជំនាន់ក្រោយ នៅក្នុងតំបន់រីកចម្រើននេះផងដែរ។ ការពង្រីកភាពជាដៃគូរបស់យើងនៅក្នុង "ឆ្នាំពានរង្វាន់ប្រាំមួយ" ជាប្រវត្តិសាស្ត្រនេះ ធ្វើឱ្យអ្វីៗកាន់តែពិសេសសម្រាប់យើង។
ប្រធានក្លឹប FC Bayern Munich ប្រចាំតំបន់អាស៊ី លោក Rouven Kasper៖ “ការប្រឡូកចូលទីផ្សាររបស់ Viessmann នៅក្នុងប្រទេសផ្សេងៗក្នុងតំបន់ គឺសក្តិសមឥតខ្ចោះជាមួយនឹងមហិច្ឆតារបស់យើងនៅអាស៊ីអាគ្នេយ៍។ ការចាប់យកភាពជាដៃគូនេះ ដែលដើមឡើយផ្តោតលើទីផ្សារចិន ទៅកាន់ប្រទេសអាស៊ីផ្សេងទៀតជាមួយគ្នា គឺជាសញ្ញាដ៏អស្ចារ្យនៃគុណតម្លៃសាមគ្គីភាព ការគ្រប់គ្រងប្រកបដោយនិរន្តរភាព និងទំនាក់ទំនងដ៏គួរឱ្យទុកចិត្តរបស់យើង។"
គោលបំណងនៃភាពជាដៃគូនេះ គឺដើម្បីលើកកម្ពស់ការប្រើប្រាស់ធនធានប្រកបដោយនិរន្តរភាព សម្រាប់មនុស្សជំនាន់ក្រោយនៅក្នុងតំបន់។ កិច្ចសហប្រតិបត្តិការនេះផ្តោតលើការធ្វើឱ្យប្រសើរឡើងប្រកបដោយនិរន្តរភាពនៃគុណភាពខ្យល់ ការប្រើប្រាស់ប្រកបដោយការត្រិះរិះពិចារណានូវធនធាន និងការលើកកម្ពស់យុវជន។ ដើម្បីសម្រេចបាននូវគោលដៅរួមទាំងនេះ សកម្មភាពផ្សេងៗត្រូវបានគ្រោងទុកលើផ្នែកការលើកកម្ពស់យុវជន ទំនួលខុសត្រូវរបស់សាជីវកម្មចំពោះសង្គម និងកិច្ចព្រមព្រៀងសហប្រតិបត្តិការស្ថាប័ន។
អំពី Viessmann
Viessmann គឺជាអ្នកផ្តល់ដំណោះស្រាយអាកាសធាតុឈានមុខគេ សម្រាប់លំហរស់នៅទាំងអស់។ "ការផ្តល់ជូនដំណោះស្រាយលក្ខណៈរួមបញ្ចូលគ្នារបស់ Viessmann" អនុញ្ញាតឱ្យអ្នកប្រើប្រាស់តភ្ជាប់ផលិតផលនិងប្រព័ន្ធយ៉ាងរលូន តាមរយៈថ្នាលឌីជីថល និងសេវាសម្រាប់អាកាសធាតុ (កម្ដៅ ត្រជាក់ គុណភាពខ្យល់) និងដំណោះស្រាយម៉ាស៊ីនត្រជាក់។ ដំណោះស្រាយទាំងអស់គឺផ្អែកលើថាមពលកកើតឡើងវិញ និងប្រសិទ្ធភាពជាអតិបរមា។ សកម្មភាពទាំងអស់របស់ក្រុមហ៊ុនលក្ខណៈគ្រួសារនេះ ដែលបានបង្កើតឡើងក្នុងឆ្នាំ 1917 គឺផ្អែកលើគោលបំណងរបស់ខ្លួន។ “យើងបង្កើតលំហរស់នៅសម្រាប់មនុស្សជំនាន់ក្រោយ” ដែលជាទំនួលខុសត្រូវរបស់ក្រុមគ្រួសារជាសកលរបស់ Viessmann ដែលមានសមាជិក ១២,៣០០។
